संवाद पावसाशी

चहाचा गरम गरम घोट घेत मी निवांत बसली आहे खिडकीत
पावसात भिजणारी झाडं बघत.
घर भरलं आहे.
अंगण ओलेतं आहे.
परस भिजू भिजू आहे.
कुणी छतावर,कुणी वाशावर,
कुणी रंधा मारतं आहे.
कुणी मालकाशी घराच्या पावसाच्या गप्पा मारत आहे.कुणी माती भिजवीत आहे,कुणी लिंपण करीत आहे
मी या सगळ्या दृश्याकडे पाऊसभरल्या डोळ्यांनी पाहते आहे.
पाऊस पुन्हा सांगतो आहे मी आता रोज येणार आहे
तुला आणि मला रोज भेटायचं निमित्त मी शोधतो आहे!!
रोज रोज भेटू गप्पा मारू ओले होऊ थोडेसे!
तू मला आणि मी देईन तुला आभाळभरले कानोसे!!!
आर्या