काळा आणि निळा

निळा लोभसवाणा मेघ
त्यात बासरी दडली!
श्याम रंगी गर्दतेत
घुंगुरकाठी मंजुळली!!
एका खांदी उपरणे
एका खांदी घोंगडी!!
दोघांच्याही खांद्यावर भक्तीची गाठोडी!!
निळ्यात उतरला काळा काळाही झाला निळा
साधनेच्या आनंदमार्गी तृप्तीचा सोहळा!!
निघाले वैष्णव दिंड्या पताका घेऊनी!
टाळ मृदुंगाचे बोल पडती हो कानी!!
असा आला आला पहा
भक्तीचा महापूर
साधनेच्या गूढडोही भरून आला उर!!
कुंडलिनी सळसळे साधकाच्या ध्यानी
तिच्या परिसस्पर्शाने साधली उन्मनी!!
असा आहे पहा निळ्या काळ्याचा सांगावा
समाधीच्या पंढरी  ईश्वर शोधावा, सापडावा, साठवावा!!
आर्या