खरं तर आपलं नवीन वर्ष सुरु होतं पाडव्याला
तरीही नेहमीच हुरहुर दाटते आजच्या दिवशी संध्येला!
वापरतो आपण सहज तारीख नवी नवी रोज
नवा दिवस घेऊन येते आणि देते मौज!
वर्ष मात्र तेच असतं चार अंकी नटलेलं
तिसर्या रकान्याचा कायम आब सांभाळत बसलेलं!
तेच वर्ष आज आता संपून जाईल रात्री
त्या चार आकड्यांची झालेली आपली मैत्री!
नवे मित्र आले तरी जुने तसेच राहतात
नवे जुने एकत्रपणे आयुष्य समृद्ध करतात!
सरली वर्ष तशीच ठेऊ जपून आपल्या पोतडीत
नवे चार अंक आणतील आनंद रोजच्या धकाधकीत!
त्या चार अंकांचं स्वागत करू हर्षाने
जीवजीव जोडून घेऊ नव्या वर्षी सुखाने!!
दीपार्यातोष
No comments:
Post a Comment