चारोळ्या

१ )आले कुठे? कुठूनी आले?
चालता चालता हरवूनी गेले!
हिरव्या गवताच्या पात्यांनी
गुलाबी रानफुले डोलवीत आले!!


२)जंगलातलं तळं पाण्याने भरलेलं
व्याकुळ हरिण मात्र मृगजळामागे धावलेलं!!

३)घोंगावणार्‍या वार्‍यांनी वादळ आलं
खोल खोल समुद्राला हेलावून गेलं!!

४)मनातला भाव डोळ्यात वाचताना
सांजावलेल्या पापण्यात मिटून घेताना!!

५) प्रेमरंगी न्हाऊनी गेले
तृप्त झाले मनी
दुरुनी आला पावा कानी
बावरले साजणी!!

६) तुझ्या आठवांचा शहारा!
गंधाळला सांजवारा
रातराणीचा पसारा
अंगणी माझ्या!!