भजन सेवा

गावातल्या मंदिरात सुरु होई अभंग
त्याच्या सुरांचे येती वार्‍यावरून तरंग!!
रात्रीचा गारवा होई भक्तिमय सारा
मनामनात आनंद भरला गाभारा!!
कुणा हाती वीणा कुणी घेई झांज
भक्तिच्या सागरी भक्तिचीच गाज!!
कुणी घाली लोटांगण कुणी नाचवी पालखी
ढोल ताशांच्या सवे हो नादतसे हलगी!!
देव देवळातला रात्रभर जागा
भक्तीच्या उन्मादात भक्त रंगिला वो रंगा!!
असा हा उत्सव चालला दिनरात
देवाजीच्या कृपेला भक्ताचीच साद!!
मी ही गाते भजन होऊन लीन मनी
वंदिता तुजला देवा सुखावले क्षणी!!