#आठवणींचं गाठोडं
आठवणींचं गाठोडं
भिजत होतं पावसात
पाऊस आकाशातला नव्हे
तो झरत होता माझ्या मनात!
किती आठवलं किती साठवलं
किती असंच हसत सोडून दिलं
तरीही गाठोडं गच्च भरलं आहे
भावनांच्या गाठींनी करकचून बांधलं आहे!
थोडंसं ऊन थोडासा पाऊस
थोडंसं इंद्रधनु थोडंसं गुज
थोडे हळवे थोडे उदास
गाठोड्यातल्या आठवणींना
गाठी उकलण्याचीच आस!
तरीही आता मी गाठोडे
गच्च बांधणार आहे!
सुरेलशा आठवणीच त्यात
अक्षरशः कोंबणार आहे!
ठेवीन त्यात एक
अत्तराचा फाया
सुगंधित करील आठवणी
आणि कोंदट वास घालवील लया!
उघडीन जेव्हा अचानक गाठोडे
एका निवांत क्षणी
अक्षरशः घरंगळतील
आठवणींची गंधित गाणी!
Sunday, 7 April 2019
आठवणींचं गाठोडं
Subscribe to:
Post Comments (Atom)
राजाभिषेकाच्या संदर्भातून दिसून येणारे छत्रपती शिवरायांचे विविध पैलू.
राजाभिषेकाच्या संदर्भातून दिसून येणारे छत्रपती शिवरायांचे विविध पैलू. प्रा . डॉ . आर्या आशुतोष जोशी छत्रपती शिवाजी महाराजांचे ...
-
राजाभिषेकाच्या संदर्भातून दिसून येणारे छत्रपती शिवरायांचे विविध पैलू. प्रा . डॉ . आर्या आशुतोष जोशी छत्रपती शिवाजी महाराजांचे ...
-
उदो बोला उदो ! डॉ. आर्या आशुतोष जोशी शरद ऋतूचा मन प्रफुल्लित करणारा अनुभव देत देत घटात विराजमान होते आदिमाया, जगज्जननी ! नऊ रा...
-
मनात विचारांचं काहुर पेटवत ती क्षितीजावर रेंगाळत राहिली.... तिची छाया परिसरात आणि मनातही पसरू लागली..... क्षितीजावर तिच्या गुलाबी झाकेचे वि...
No comments:
Post a Comment