मा.यशवंतराव#नव्वद वर्षे पूर्ण# माझ्या काव्यमय शुभेच्छा
ठरवायचे असो कामाचे धोरण
वा लावायचे असो उत्सवी तोरण
संत्रिकेत तुमचा वावर असावा
आशीर्वाद नेहमी पाठिशी रहावा।
असो मनातली घालमेल
वा जुळवावा कामाचा ताळमेळ
तुमचा सल्ला कायम मिळावा
आशीर्वाद नेहमी पाठिशी रहावा।
संशोधनाचे आयाम
वा कामातला क्षणभर विराम
तुमच्याशी सहज संवाद घडावा
आशीर्वाद नेहमी पाठिशी रहावा।
जुळलेले असोत तानपुरे
वा मात्रेचे शब्द पडोत अपुरे
समेवर आणायला तुमचा हात मिळावा
आशीर्वाद नेहमी पाठिशी रहावा।
कधी समाजाची काळजी
कधी नेता मारतो बाजी
तुमच्याशी बोलायला कुठलाच विषय वर्ज्य नसावा
आशीर्वाद नेहमी पाठिशी रहावा।
मुंगीएवढ्या अक्षरात पर्वताएवढे ज्ञान
कुठल्याही कामात उत्तमतेचेच ध्यान
जन्मदिनी तुमच्या शुभेच्छांचा वर्षाव व्हावा
आशीर्वाद नेहमी पाठिशी रहावा।
आर्या.
No comments:
Post a Comment