होळीची कविता

गोकुळातल्या कृष्णसख्याला राधा देते हाक!
होळी करूनी दुर्जनांची स्री मर्यादा राख!!
बेचिराख ती होऊनी जावो जगतातील लाचारी!
भ्रष्टाचारे जगती त्यांची जळू दे मक्तेदारी!!
अग्नीच्या त्या पावन स्पर्शे मन बुद्धी होई शुद्ध!
त्या लखलखत्या तेजतपाने करू स्वतःला सिद्ध!!
पवित्र रक्षा माखूनी घेऊ दुसर्‍या दिवशी होळीच्या!
त्या रक्षेने कृतार्थ होऊ रोवू पताका कीर्तीच्या!!
‌वसंतातला रुतू सुखाचा माखून  येईल रंग!
शीतलकारी जलाभिषेके जीव होऊदे दंग!!
रास अशी ही तुझी रचाया पाच दिवस सौख्याचे!
पौर्णिमेच्या चंद्रसाक्षीने जीवन उजळवण्याचे!!आर्या.
‌