वटसावित्री....

सात जन्मांचं गणित मांडण्यापेक्षा सात वड रुजवूया!
त्यांना जोपासत आपण निसर्गरक्षण साधू या!!
सावित्रीचे वर्तन खचितच अनुसरूया!
संपत्तीला भुलण्यापेक्षा गुणांवर भाळूया!!
आख्यायिका सांगून जाती नवल नवल ते ऐकूया!
त्यामधला सघनपणा आपण मनात बिंबवूया!!
परंपरांवर निष्ठा ठेऊनी धर्म संस्कृती जगवूया!
जगता जगता निसर्गाशीही एकरूप होऊया !!
योगी सांगून गेले असती सावित्रीची महती!
तत्वज्ञानी अर्थ उलगडत आपण प्रगल्भ होऊया!!
एक तरी वड लावूया!! एक तरी वड जगवूया!!
आर्या